No stè a fidarve, corè via, Fradei

by Gian Giacomo Mazzolà

3 XLVIII I cavei de Nina XLVII XLIX Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XLVIII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XLVII

Edission e fonte ▼

XLIX  →

XLVIII

No stè a fidarve, corè via, Fradei,
     Che xe ben fortunà chi pol scampar,
     No ve lassè da Nina inzinganar
     4A dar na pura ochiada ai so Cavei.

Quel so biondo, quel grespo, i rizzi, i anei,
     No i xe no quel che ai vostri ochi i ve par,
     Credèlo a mi, che 'l m'à tocà a provar,
     8I xe foghi, i xe stizzi boni e bei.

Tuto xe bampe, ardor, fiame, calori,
     Che impizza e brusa senza compassion,
     11Che destruze e consuma aneme e cuori;

E se no basta a farve scampar via,
     Sapiè che in mezo a quel gran fogaron
     14La go catà in amor sempre impetrìa.