No star a darghe libertà a bardasse

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
No star a darghe libertà a bardasse
XIX secolo
Edission e fonte ▼

[p. 453 modifica]

No star a darghe libertà a bardasse
     Se no ti vol tor su qualche insolenza,
     Da dover soportar co gran pazienza,
     4Perchè ognun ga da star co la so classe.

Se nobile ti xe, persone basse
     No permeter che chiassa in to presenza,
     Nè lassar che se ofenda la decenza
     8Co moti sporchi, o con parole grasse;

Co l'ignorante no contender mai,
     Stando col rico no pianzer el morto,
     11Che lu no vol saverghene de guai.

Trascura la finzion del colo storto,
     Rispeta i grandi, i mati, e i animai,
     14Perchè co questi se ga sempre torto.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=No_star_a_darghe_libertà_a_bardasse&oldid=47907"