No voggio scriver più cogionarìe

by Giorgio Baffo

4 No voggio scriver più cogionarìe Raccolta universale delle opere di Giorgio Baffo Tomo IV Sto scriver sempre buzare me par No voi scriver più sonetti Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

No voggio scriver più cogionarìe

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  Sto scriver sempre buzare me par

Edission e fonte ▼

No voi scriver più sonetti  →

SULLO STESSO ARGOMENTO.

SONETTO

No voggio scriver più cogionarìe,
    Ma da quà avanti scriver voi sul sodo;
    E per ligarme voggio far un vodo
    4A qualcheduna delle tre Marìe;

Perchè mi alfin dirò dell'Eresìe,
    Per questo no voi più batter sto chiodo,
    La xe 'na carne, che no fà bon brodo,
    8E pò, dai dai, le xe buzararìe.

Ma, se mi scriverò cose morali,
    O se farò qualche canzon devota,
    11No goderà se nò quattro Coccali,

Ch'i bell'inzegni vuol sentir la bota,
    E questa no xe mai piena de sali,
    14Se del Cul no se parla, o della Pota.