No xe vero, Siori, nò

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Lodovico Pastò

No xe vero, Siori, nò

1822

Edission original:	Lodovico Pastò, Poesie edite ed inedite de Lodovico Pastò venezian, scritte nel so natural dialetto, Venezia, Giuseppe Molinari, 1822
Fonte:	Indice:Poesie edite ed inedite de Lodovico Pastò venezian.djvu

Edission e fonte ▼

[p. 37 modifica]

PER NOZZE

CANZON

No xe vero, Siori nò,
     Che le Muse mai no invechia;
     Mi ve digo, mi lo sò,
     Se la mia xe fata vechia.
5Vechia grima, bolsa, estrupia,
     Che no fa, che scapuzzar,
     Che no pensa, che ala grupia,
     Perchè stufa de laorar.
Gnanca el vin no xe più quelo,
     10Che ghe daga lena, e brio;
     Povereta! el so cervelo
     Deventà xe tuto el mio,
Come donca mai farogio
     A cantar senza el so agiuto?
     15O fruà più vin che ogio,
     E fruà senza costruto.
No ò mancà dal canto mio
     De tirarme sul Parnaso,
     Per pregar el biondo dio
     20De agiutarme, se ghè caso.
Che risposta m'alo dà?
     Sentì pur che bruto sesto!

[p. 38 modifica]

     Nol m'à gnanca ben vardà,
     Che el m'à dito; te go in cesto.
25Massabona che prudenza
     M'à insegnà, che volta via,
     Guai, se fazzo resistenza!
     Chi sa mai dove saria?
Perchè donca son vernacolo,
     30Se me deve disprezzar?
     Caro Apolo antivernacolo
     Vate a far imbalsemar!
El vernacolo poeta,
     Lo confesso, ga el segondo;
     35Ma lo intende la doneta,
     Ma lo gusta tuto el mondo
Lu xe 'l solo pan per tuti,
     Se ò da dir la verità,
     Per i vechi, per i puti,
     40Per chi sa, per chi no sa.
Ma fenimo sta canzon,
     E vegnimo al concludente;
     Mi percerto no so bon,
     Senza agiuti de far gnente...
45Ti à promesso, sento a dir;
     Se ò promesso, pofardia!
     Co no posso mantegnir,
     La facenda xe fenia.
E po' curte, mi vel digo:
     50El lodar, che fa i poeti

[p. 39 modifica]

     No se conta per un figo;
     Ognun sa, che no i xe creti.
Lori loda sempre tuto
     Egualmente, e tuto al vivo,
     55Tanto el belo, quanta el bruto
     Tanto el bon, quanto el cativo,
Co à fenio el quaresimal
     Qualche tristo buraton,
     Un soneto, o un madrigal
     60Lo fa el primo sogeton.
Se nei studj povereto
     Qualchedun se fa dotor,
     El poeta c'un soneto
     Lo fa più che professor.
65Ghe sarà una balerina,
     Che no bala i so pecai;
     Ma per farla una Medina¹
     I poeti xe impiegai.
Ghe sarà... che sogio mi?
     70Tuto quel, che più ve piase;
     Ma co i fa sempre cussì...
     Oh, perdia! mandèli in pase.
Mi per certo nò me curo
     Dele lode de sta zente,
     75Perchè son più che seguro,
     Che le val manco de gnente.

[p. 40 modifica]

E stimar vorà i so canti
     Sta adorabile Sposina?
     No xe chiare a tuti quanti
     80Le virtù de Teresina?
Nata in sen dela grandezza,
     D'una rara nobiltà,
     Chi no sa quanto l'aprezza
     El tratar con umiltà?
85Chi no sa le bele dote
     Del so spirito, e i talenti?
     À chi mai no xe po' note
     Le so grazie sorprendenti?
Chi no sa, che la so Maina,
     90Rispetabile Matrona,
     L'à educada da gran Dama:
     Ma da Dama savia, e bona?
Chi no, sa, che'l Genitor,
     Cavalier dei cari al Cielo
     95Co l'esempio in mezzo al cuor
     Ga inestà tuto el so belo?
Chi no, sa, che'l caro Sposo
     Ghe somegia a perfezion,
     Ch'egualmente el xe virtuoso,
     100Belo, savio, colto, e bon?
Ma se tanto xe verissimo;
     Ma se questa è l'ose sola;
     Resto donca contentissimo,
     Se anca manco de parola.

Note

↑ Celebre balerina a tuti nota.

[1] Celebre balerina a tuti nota.

1