Nostalgia
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← Alla signora Virginia Meli-Nathan | Edission e fonte ▼ | II. Inverno in campagna → |
NOSTALGIA
Vilma, in sto pandemonio
De Parigi no fasso
Che sospirar la plaçida
4Onda del nostro mar.
In sto infernal fracasso
Del çervelo del mondo,
Me perdo, me confondo,
8Vilma, no posso star.
Xe belo, Vilma, el turbine
Che investe e sbate e tira,
Ma la calma xe splendida,
12Ma xe megio el seren.
Ma più freme e delira
Davanti a mi Lutezia,
Più de la mia Venezia
16La nostalgia me vien.
Vilma, che bel silenzio
Là su la mia laguna,
Dove indorà drio l'isole
20Queto tramonta el sol.
E al lume de la luna
Che la inarzenta, alegro
Passa, fastasma negro,
24Cantando el barcarol.
No more dì che un tenero
Desiderio, una cara
Confusion de memorie
30No me comova el cuor.
Pianzo alora l'amara
Lontananza, e me sento
Più bon in quel momento
32De pase e de dolor.
Vilma, vorìa co' l'aquila
Liberamente alzarme,
Più svelto che no el fulmine
36Su Venezia calar.
Vorìa doman svegiarme
Nel to picolo nìo,
Dirte: tesoro mio.
40Sentirme a carezzar.