Note e dì

by Maria Pezzè Pascolato

3 Note e dì Versi Veneziani Bon principio La fortuna Maria Pezzè Pascolato 1928 XX Poesie

Indice:Pascolato - Versi Veneziani, Milano, 1928.pdf

Maria Pezzè Pascolato ―  Versi Veneziani

Note e dì

1928

Edission original:	Maria Pezzè Pascolato, Versi Veneziani, Milano, 1928
Fonte:	Indice:Pascolato - Versi Veneziani, Milano, 1928.pdf

←  Bon principio

Edission e fonte ▼

La fortuna  →

NOTE E DÌ.

L

e robe xe come che se le vede,

     Le robe xe come che se le tol;
     Xe l'umor, xe i pensieri, xe la fede
     Che fa turchin el cielo e chiaro el sol.

— Deboto scuro! — sospira el vechieto:
     — Come che ste zornae se ga scurtà!
     Deboto ora de tornar in leto....
     Mah, ’l dì xe intra do note... Che pecà! —

Contento, alegro se svegia el putelo:
     — Cossa ghe sarà ancuo de bon per mi?
     Sluse el sol e xe el mondo tuto belo....
     Fin la note xe messa intra do dì!