O bon tempo da Roma, o compagnia

by Maffio Venier

3 O bon tempo da Roma, o compagnia (Sonetto XLIV) Canzoni e sonetti Sonetto XLIII. No me cassé, madonna, per un petto Sonetto XLV. Seben ho in vuodo de no far mai pi Maffio Venier XVI

soneti

Maffio Venier ―  Canzoni e sonetti

O bon tempo da Roma, o compagnia (Sonetto XLIV)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XLIII. No me cassé, madonna, per un petto

Edission e fonte ▼

Sonetto XLV. Seben ho in vuodo de no far mai pi  →

O bon tempo da Roma, o compagnia,
O camere, locande, o vigne, o cocchi,
O caldi rosti, o zìccore marzochi,
Che me sona in le recchie tuttavia.

O felice visina anima mia,
O bei, o cari, o lucidissimi occhi,
Vedéme qua fra cimesi e pedochi,
Fin condanao a morir in gallìa.

E se no havé pietà della mia pena,
Mandéme solamente un bollettin
Che me mettarò al remo, alla caena.

Ma s'havé niente caldo el coresin
Del fuogo che me bùlega in la schena,
Me par sentirve a dir: Gramo meschin,

C'ha fatto el poverin?
Per qual peccà, per qual fiera sententia,
Patise 'l cusì dura penitentia?

Vita mia, habbi pasientia,
Vogiéme pur ben vu, che mi ve zuro
Che vuoi tornarve a star a muro, a muro,

Che no darìa seguro
Del vostro amor, cusì dolce speranza,
Per esser Zeneral del Re de Franza.