O che no ghè più gnente all'altro Mondo

by Giorgio Baffo

3 O che no ghè più gnente all'altro Mondo Raccolta universale delle opere di Giorgio Baffo Tomo IV De quattro lioghi, che de là n'aspeta Dove, che staga Dìo, a contemplando Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

O che no ghè più gnente all'altro Mondo

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  De quattro lioghi, che de là n'aspeta

Edission e fonte ▼

Dove, che staga Dìo, a contemplando  →

FALSE INVENZION DEI IPOCRITI.

SONETTO

O che no ghè più gnente all'altro Mondo,
    O se ghe n'e, staremo meggio assae;
    Ch'i Omeni canagie buzarae
    4Un Dìo s'hà figurà fiero, e iracondo,

Che l'abbia fatto un baratro profondo,
    Dove drento per una eternitae
    L'aneme, che da lù xe stà creae,
    8Abbia da star senza nè fin, nè fondo,

I Omeni i gà tiolto la mesura
    A un increato, e incomprensibil Ente,
    11Colla so depravata empia natura.

Mi no penso d'un Dìo cussì vilmente,
    Ma me despiaserìa ben, ch'in sepoltura
    14Finisse con el corpo anca la mente.