EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XVII. Ochi che brusa
1886

 Edission original:   

AnonimoMarco e Tòdaro, versi in vernacolo venezian de un mestro de Canaregio, Venezia, tipografia antica ditta Cordela, 1886

 Fonte:

Indice:Marco e Tòdaro.djvu

←  XVI. Marco e Tòdaro Edission e fonte ▼ XVIII. El gobo de Rialto  →
[p. 161 modifica]
XVII.


OCHI CHE BRUSA


(Canzoneta per musica)

[p. 163 modifica]

Xe lampi, xe fulmini
Che i cuori rovina,
Xe lazzi, xe trapole
4Quei ochi, Catina!

I stuzzega l'anima
De questo e de quelo...;
Ma a far da carnefice
8Che gusto mo xelo?

Ah, se a sti martirii
Le ochiae te strassina,
O sbásseli o séreli
12Quei ochi, Catina!

Le ochiae sarà semplice;
Ma, credime a mi,
In questo un pericolo
16Gh'è anca per ti.

[p. 164 modifica]


Xe sempre un sterminio
La mina che schiopa;
La rompe e scombussola,
20La sbrega, la copa.

E ti te vol metarghe
La micia vicina?...
Ah, sbasseli o sereli
24Quei ochi, Catina!

Ti fa per zogatolo?..
Ah, no, no sta dir:
Sti scherzi teribili
28Pol anca tradir.

Ah, no; chi xe savio
No scherza col fogo:
E i schiopi nol dopara
32Per spasso, per zogo.

Chi pesta la polvere
La casa rovina...
Ah, sbasseli o sereli
36Quei ochi, Catina!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ochi_che_brusa&oldid=42585"