Oh Dìo! Cosa xe mai sto corpo uman?

by Giorgio Baffo

3 Oh Dìo! Cosa xe mai sto corpo uman? Raccolta universale delle opere di Giorgio Baffo Tomo IV Sù i sessanta una bona Cameretta Te ne incago, Natura malandrina Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

Oh Dìo! Cosa xe mai sto corpo uman?

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  Sù i sessanta una bona Cameretta

Edission e fonte ▼

Te ne incago, Natura malandrina  →

L'OMO NASCE DAL CASO.

SONETTO

Oh Dìo! Cosa xe mai sto corpo uman?
    Un composto de carne, nervo, e osso,
    Chi lo gà longo, curto, duro, o flosso,
    4Chi sempre xe ammalà, chi sempre san.

Chi nasce ancuò, e morto xe doman,
    Chi fortunà, chi dal Destin percosso,
    Chi xe giusto un conìo, chi xe un colosso,
    8Chi xe dolce de cuor, chi xe innuman.

Chi superbo, chi umil, chi xe zeloso,
    Chi sobrio, chi prodigo, chi avaro,
    11Chi continente, e chi xe lussurioso.

Chi de memoria xe un esempio raro,
    Chi gnente no ritien, chi xe virtuoso,
    14E chi ignorante, come xe un Somaro.
                        Da tutto questo imparo,
E sempre più mi resto persuaso,
    17Che l'Omo effetto sia del puro caso.