Oh che momenti!
|
Edission original: |
Attilio Sarfatti, Le Rime Veneziane e Il Minuetto, Milano, Fratelli Treves Editori, 1892 |
|
Fonte: |
| ← XXVI. El putelo amalà | Edission e fonte ▼ | XXVIII. El cafè Florian → |
XXVII.
OH CHE MOMENTI!
1
A Trieste! a Trieste! i tre colori
Faremo sventolar per la çità.
E scamparà quel zorno i traditori,
I nemiçi d'Italia scamparà.
Oh che momenti!... I nostri bersaglieri
Andarà per le strade alegri e fieri.
E veci done zoveni e putei,
Li ciamarà col nome de fradei.
2
Che momenti de freve e de alegria,
Che baldorie, che lagreme, che festa!
Da per tuto, aspetai come el messia,
I soldai passarà co 'l re a la testa.
E da San Giusto e da le case, fiera
Sventolarà d'Italia la bandiera.
Sventolarà d'Italia el tricolor,
Che ressussita i morti e infiama el cuor.