Oh le done!
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← In montagna | Edission e fonte ▼ | Svegiarin → |
Oh le done!
Amar le done? e credar che sul cuor
un fiantin de afezion le possa aver
par chi zura e protesta sul so onor
la fedeltà d'un ben grando, sinçer?
Sublime xe la dona se l'amor
ghe serve de scabelo al so dover;
ma perfida e crudel se un gran dolor
la te vien dar par solo so piaçer.
Quando la se te mostra indifarente,
vol dir che la te ama, e se d'amar
la te assicura, no xe vero gnente.
Una, go conossudo che le care
amorose premure a dimostrar
no la finiva mai: L'era mia mare.