Omeni e gati

by Attilio Sarfatti

3 III. Omeni e gati Rime veneziane Libro Secondo II. A tuti IV. A ela Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Secondo

III. Omeni e gati

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  II. A tuti

Edission e fonte ▼

IV. A ela  →

III.

OMENI E GATI

Senti: sui copi do gati sgnaola
In libertà.
Sentili, i parla. Coi so vocaboli
4L'amor i fa.

Chi sa che bele parole tenere
Ghe deta el cuor;
Chi sa che storie, chi sa che lagreme
8Piene de amor.

S'el nostro stato, Ema, podessimo
Col soo cambiar,
E sora i copi tirarse liberi
12A smorosar!

Liberi e soli, fora dei strepiti
Tirarse là.
Soto el bel çielo, lontan dai omeni
16Farse el sofà.

Oh quanto megio sto nostro prossimo,
Ema, scordar.
Scordar ste nostre lote ridicole
20E vegetar.

Viver la vita dei gati, povera
Fin che volè;
Ma senza noie, ma senza stupida
24Zente fra i piè.

Là sora i copi coi so vocaboli
Filar l'amor,
E, nei momenti d'ozio, dei omeni
28Rider de cuor.