Orlandino franco-veneto/08

by anonimo

Orlandino franco-veneto VIII VII IX anonimo

Poema apartenente a la leteratura franco-veneta del Tresento, e scrito in un smissioto tra lengua francese e veneta.

Anonimo

Orlandino franco-veneto

VIII

XIV secolo

Edission original:	Ernesto Monaci. Crestomazia italiana dei primi secoli. Nuova edizione riveduta e aumentata per cura di Felice Arese. Società Editrice Dante Alighieri, Roma-Napoli-Città di Castello 1955
Fonte:	http://www.classicitaliani.it/trecento/Orlandino_franco_ven.pdf

←  VII

Edission e fonte ▼

IX  →

Poema apartenente a la leteratura franco-veneta del Tresento, e scrito in un smissioto tra lengua francese e veneta.

Coment N. va rer Rolandin.

Via va R. por le çamin erant,
N. e Teris vait rer lui planemant;
Quant s' aprosment a la cha de l' infant,
Sa mer li ven encontra tenerament plurant.
A tant ecote N. e Teris ensemant,275

En la mason vi la dama avant.
Quando Berta le vi, sì ne fo molto dolant,
De paura q' el' oit tuta vait tremblant
E sì le dist: "Segnur, qe alez demandant?
E' no son quella qe vos alez querant".280

E N. la reguarda, tot li color si sorprant,
Figuré l' oit al viso et a le senblant,
I s' ençenocle davant lei al presant.
"Dama", fait il, "ne vos doté niant,
Vu non poez avoir nesun enoiamant".285

R., quand le vi, una stanga il prant;
Ferù n' averoit N. por li çevo davant,
Quant soa mer de nient no li consant.
A tant ecote Milon da celle boscho grant
Cun una torse de legne molto pesant;290

Quant vi cele jent, oit paure grant,
A tera la bute por sì fer mal talant,
La tera treme e darere e davant.
Quant à ço fato, sì se mis en fuiant,
Quant le dux N. pais no li consant.295

Elo li escrie: "No aler plu avant".
Torner le fa opra so mal talant.