A NINA NAPOLITANA.
Quando te sento,
Mia cara Nina,
Fioreto belo
4De Mergelina,
Parlar la lingua
Dela laguna,
Oh! che fortuna!
8Digo fra mi:
No semo donca
Nell'altro mondo,
Venezia e Napoli
12Se parla tondo:
E all'ora fissa
De qual de sora
Se pol ancora
16Darse del ti!
Brava da seno,
La mia ragazza,
Col sangue veneto
20Missiè sta razza:
Lighèmo i nomi,
Sposèmo i cuori,
Femo l'Italia
24Dall'alpe al mar.
Che bela cossa,
Nineta mia,
Cantar in gondola
28Santa Lucia!
E passar liberi
Fin a San Marco,
Senza far arco,
32Senza sciar!1
Napoli, 1865.
- ↑ Sciar, dar indietro.
