Pagina:Alghe della laguna.djvu/14

Sta pagina la xe stà trascrita e rileta.
I ANÉI E I DÉI.1


La Sensa xe passada!2
Povera desgraziada
E no go visto ancora
4Lo Sposo che mi adora.
Gaveva quà l'anelo,
Perchè el spossasse el mar:
Go perso fino a quello....
8Ma i dei no li voi dar.

Go visto el Bucintoro
Brusà per torghe l'oro:
Go visto i me cavai
12In Franza trasportai!
Ma in cuor me xe restà
L'amor de Libertà,
E se xe andà i anei
16Me resta ancora i dei.

Go visto i me palazzi
Vendui per quatro strazzi,
E sepelidi in gheto
20Tizian e Tentoreto!
Me go spogià la man
Per un toco de pan:
Ma se xe andà i anei,
24Me resta ancora i dei.

  1. Anei e dei: Anella, e dito.
  2. Sensa: Ascensione.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Alghe_della_laguna.djvu/14&oldid=61657"