Àmeme, vita mia, chè te amo anch'io!
In verità, no te lascierò mai:
Se te sarè1 costante, anima bela,
Costante te sarò matina e sera:
Se te sarè costante all'amor mio,
Constante all'amor tuo me troverai.
Se te sarè costante a la mia sorte,
Constante te sarò fino alla morte.
Angila bela, quando andè2 par acqua,
Le vostre secie le par secie d'oro,
E l'acqua che gh'è drento la par ambra:
L'amor d'un giovenin se raccomanda.
Se raccomanda tante spesse volte,
Come i cavei ch'è3 in de le treçe vostre;
Le treçe vostre portan magiorana,
In mezo al pèto gh'i4 una stela diana.
Stela diana, stela matutina,
Che fa splendor la sera e la matina;
Che fa splendor la sera a andar a lato,
E la matina, ne l'alzarse al pèto.
