V.
E st'altra?... Piasso gavarìa le done
Nostre, sti visi freschi o biondi o mori:
Ste nostre tose snele e cocolone
Coi oci dolçi pieni de slusori.
Gavarìa piasso ste nostre matrone,
Che ga le drezze che le xe sprendori:
Ste nostre dogaresse bele e bone,
Sti zensamini, ste gioncae... sti fiori.
Ma ve so dir che, infin che i xe stai qua,
Carne de dona veneziana mai
Quei pampalughi no i ghe n'à çercà.
Anzi co quel so far, col mincionèlo
Che ga le nostre done, quei massai
Le se toleva via, pian pian, bel belo.
