Pagina:Assedio de Venezia.djvu/18

Sta pagina la xe stà trascrita, ma la gà ancora da vegner rileta.
X.


Xe natural, el popolo, a sta niova,
El ruza come un gran leon in gabia:
E l'odio el xe come la bissabova
Cò par che tuto da sorbir la gabia.

A impiantarghe un proçesso la se prova
L'Austria, ma fabricà l'è su la sabia:
Senza chi ne defenda se se trova,
Cresse in nù l'odio, cresse in nù la rabia.

E despeti?.... a bizefe ghe ne fevimo;
E segni sui capei, mi me recordo,
E cocarde sul peto se metevimo.

Infin, per farli sempre più cicar,
Cò ve pensè che un di, tuti d'acordo,
Gavemo stralassà fin de fumar!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/18&oldid=61788"