Pagina:Assedio de Venezia.djvu/28

Sta pagina la xe stà trascrita, ma la gà ancora da vegner rileta.
XX.


L'è stada questa la più gran faliva
Che un fogo genaral la ga impizzà:
El colpo che quel brusco, che imarçiva
De scondon, a la fin fora à sbregà.

Vìa per cale e campiei, vìa per la Riva
Xe a l'Arsenal el popolo arivà:
Sù, dapartuto, l'oregan vegniva
De la revolta... un fortunal de istà.

Manin de l'Arsenal se impadronisse
E, subito, el sequestra arme e canoni
E 'l Comandante el lo destituisse.

E s'à fato, in quel dì, miga un'inezia:
Capitolada l'Austria, quei bogioni
Li gavemo cassai vìa da Venezia!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/28&oldid=61799"