Pagina:Assedio de Venezia.djvu/71

Sta pagina la xe stà trascrita, ma la gà ancora da vegner rileta.
LXIII.


Bisognarìa che gavessi assistìo,
De note, a quel spetacolo — imponente!
Coreva la fola a vederli la zente
E bombe e razi sfogonai, parbìo!

No minga che gavessimo fifìo
De quele quatro bale, proprio gnente...
Pur quel bum! da lontan cupo e insistente
Se lo gavessi quel bum! bum! sentìo!

Nù, in fondo, poche munizion gavevimo ―
Donca, a la Comission de vigilanza
Le bale rancurae nù ghe portevimo.

E una lira per pezzo se bechevimo;
Pò, coi nostri canoni, ― oh ghe ne 'vanza! ―
De ritorno infogae ghe le mandevimo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Assedio_de_Venezia.djvu/71&oldid=61847"