Pagina:Attilio Turco - Sonetti Veronesi.djvu/108

I RICIAMADI

’Sti riciamadi,¹ se anca iè vecioti,
     Ghe par de’ verghe ancora i so vint’ani!
     I marcia come tanti zovenoti
     E i se la passa alegramente e sani!...

Ghe piase bèar dei boni bussoloti²
     Do vini forestieri e de nostrani;
     Par le putele no j’è tanto coti...
     I so gode de più, starghe lontani!

Bessi³ in scarsela mai no’ ghe ne manca,
     E quando ghemo i bessi, ghemo tuto;
     E a le disgrassie no i ghe pensa gnanca...

Ma, se ghe toca⁴ andar a la frontiera.
     I se bate fin l’ultimo menuto,
     Par difèndar l’onor de la bandiera!

1. riciamadi ― richiamati;
2. bussoloti ― bicchieri;
3. bessi — denari;
4. se ghe toca ― se devono.