LE TRAMVIERE
Da dopo che s’à visto le tranviere,
Mi, no’ sò gnanca mi, come la sia,
Par che la gente g'àbia la mania
De star sul tran de le iornade intiere!
E salta su parone e camariere
E militari e preti e borghesia
E tuti quanti i gà la frenesia
De còrar rento, in tute le maniere!
E un poro can che 'l g’àbia dei pensieri
E ’l voia, in pressia, destrigar i afari,
Ghe toca,1 a mi la m’è tocada ieri,
De partegarla2 a piè, parchè, fioi cari,
Co’ ’sti tran pieni gh’è tante fermade
E le tranviere... iè le più strucade!...
