II.
È-la stada ’na paca maningreta
Che ò ciapado quel mercordi de sera!
Son sta sbalsado da la bicicleta
E come morto, son restà par tera!
I m’à catado in mezo a ’na cuneta,1
G'avea la facia tuta quanta nera
E tuta insanguenada la giacheta...
Avea batù la testa su ’na pierà!
Son stado mèsso sora ’na letiga
E via, portà de corsa a l’ospedal...
In mezo a quei che pianse e quei che siga...
Ma la matina drio, visto el me mal,
I m’à parado fora dai stivai...
L'erba cativa no la more mai!
- ↑ cuneta - piccolo canale ove scorrono le acque scolaticcie della strada.
