EL FI-FIO DEI VERONESI
E’-lo un fi-fio1 che i g’à ’sti veronesi!
I scapa che i me par tante saete!
I manda via i stramassi2 e le forete3
Con tuti i pulsi... essetara,4 compresi!
E i le sbologna5 via con tuti i mesi: —
Coi tran, le ferovie, cari e carete;
E no-i pensa, ’ste teste maningrete,
Che, oltre i nostri soldadi, gh’è i francesi,
I inglesi e i mericani, grandi e grossi,
Da far scapar Guglielmo e Carlo insieme
De ropeton6 traverso strade e fossi!
E le strasse che tanto le ghe preme,
Serto le dovarà, fra qualche jorno
Come jè ’ndade, vegner de ritorno!
