24 MAJO DEL 18
(dopo Caporetto)
Vintiquatro de Maio1 del disdoto:
L’è za tri ani, fioi, che semo in guera,
Che l'Italia co l’Austria la s’à rotom
Par podèr libararse tuta intiera.
No gh’erimo a Trieste, ma deboto;
Gorissia l'era nostra e nostro l’era
El Monte Santo, che ’l ridea, de soto
Al sventolar de la nostra bandiera!...
Com’è-la stada, no se-l sa gnancora,
Se à portado sul Piave i tri colori,
Parchè i suconi no i ghe passa sora...
E no i ghe passarà, finchè ghe resta
Bessi al Governo e ai nostri difensori
Un s-ciopo in man e del giudissio in testa!
- ↑ Maio ― Maggio.
