Pagina:Attilio Turco - Sonetti Veronesi.djvu/142

LA CIÀCOLA....

Avìo¹ sentì, che ciàcola² gh’è in giro?...
     Presto i tedeschi i capita a Verona!
     I n’à zugà, se vede, un bruto tiro,
     Tra pochi giorni gh’è ’l canon che tona!...

— Lassè che i vegna! Mi no me retiro!
     Con quela forsa che ’l me cor me dona
     E sensa mai tirar gnanca un sospiro,
     Restarò fermo, come ’na colona!...

Metarò in salvo i fioi, le me creature,
     Me muier³ e i me veci, se mai posso,
     E 'ndarò incontro a tute le torture!...

Ma no’ ghè dubio⁴ che deventa rosso,
     Parchè i me diga un giorno: fioi, vardèlo:
     El s’à mostrà un viliaco, sul più belo!...

⁵

1. Avìo ― avete;
2. ciàcola ― notizia;
3. mujer ― moglie.
4. ma no ghe dubio ― non c’è pericolo;
5. vago ― vado;