GNENTE PAURA!
Ci è-i quei che trema? Quei che g’a paura?
Quei che i spampàna1 in volta i malumori?
Quei che no’ crede che la sia sicura
’Sta bela Italia, co’ i so’ tricolori?
Fin che s-ciopi e canoni in man ghe dura,
I fradei che ne fa da difensori,
I-è sicuri de far bela figura...
Metive chieti,2 che i ghe pensa lori!...
Ve ricordeo, su l'altipian de Asiago:
I croati i volea magnar Vicensa,
E invesse, lo savì, ch’i-à fato bago!3
E, pori cani, j-è restadi... sensa!
Se adesso gh’è i tedeschi al nostro fronte,
Che i se prepara... co le spale pronte!
