COMPLEANO
(17 Febbraio 1915)
Anco1 iè trentanove... e me par jeri,
Che andava a scola insieme coi pissoti,
Un giorno col pomelo o un par de peri
E 'n altro giorno con du tri cassoti!2
Me recordo, che tuti i me’ pensieri
Jera de far tamburi coi bandoli,
E sbatociar le file de biceri
E fabricar violini coi canoti!3
Anco, vardè che mondo! g’ò fameja
E lavoro coi brassi e cò la festa,
Parchè ’sta pura barca la galejà...
E la sarà par mi ’na bela festa
Se, presto o tardi, g'avarò 'l conforto
De compagnarla sana e salva in porto!
la me strada - mi conduce.
