SBRINDOLONA!
La me morosa l’è ’na sbrindolona1
Che a 'sto mondo no gh’è la so compagna!
L’è tuto ’l giorno in giro par Verona
E a casa, a pena quando che la magna!
A domandarghe ’n do’ la va, l'è bona
De dirte: — vate far!... — sta bruta cagna;
L’è par quel che so mare la tontona2
E la ghe mola spesso ’na lasagna!3
Mi, se me ris-cio dirghe qualche cosa.
La me risponde: — càlmete putel!...
No son gnancora proprio la to’ sposa,
Ghe n’è del tempo che me meta el vel!...
E la ghe zonta po’, ’sta dispetosa:
— Ghe jeto i bessi da comprar l’anel?
