EL LOTO
— Varda 'l giornal, gh’è i nùmari del loto?
— Cos’è-to messo?... — G’ò ’l quarantadu,
L’otantasinque, l’ondese, el disdoto...
E 'l quinto... spela, che ghe penso su!
J-è i nùmari del poro paroloto...1
— T'è fato bago.2 —― E mi no meto più!
Che za, i bessi del loto, i va de troto...
Me poro fiol, me lo disea anca lu!
Ma tuti quanti se ghe casca rento,
Co lo speranza de poder ciapar...
E prima de rivar a quel momento,
Te de magni, dei bessi, un bastimento!
I furbi i g’à reson, de predicar:
Ambo laorar e terno seguitar!
