LA SPESA
Presto, Taresa, cori a far la spesa:
Un’eto de botier, du de formaio;
Te racomando che ’l sia fresco ’l taio,
E staghe atenta, quando i te lo pesa!
Po và dal frutarol,1 rente la Cesa,
To’ un brocolo,2 ’na verza, un spigo d’aio;
Ma serca ben de far el me’ vantaio,
Tireghe zò più che te pol, Taresa!
To’ un bel toco de carne dal becar,
El pan, la pasta e ’n chilo de fasoi,
El sucaro, el cafè, droghe e canela,
L’oio, l’ petrolio, el sal e ’na candela,
Ma varda de no’ farte busarar.3
Parchè, se in caso... ghe ne và dei toi!...
