Pagina:Berto Barbarani, I due canzonieri, 1917.pdf/52

     Quei che me lese, i è sentadi al fogo
de una bela fassina,
che i se beve el vin vecio del so logo.¹

     Quei che me lese, i g'à de la farina
drento nel saco,
e tuti i giorni i copa una galina.

     Quei che me lese, i fuma del tabaco
da le nuvole bianche
dove i bruti pensieri i cambia scaco,

     e i g'à dei calti pieni de palanche,
e bestie in stala,
e la firma ben vista su le banche.

1. del so logo: dei suoi fondi.