LA CÀMARA DE I SPOSI.
L'è una càmara alta, col sofito
fato su a travesei,
e soto a i travi el par che ghe sia scrito:
quà se fa de i putei!
Gh'è un leto grando come un bastimento,
dove, quando i se mala,
el dotor, par tastar quei che gh'è drento,
el va su par 'na scala.
A man drita del leto, gh'è una cassa
e dopo un careghin,1
e dopo ancora, un pochetin più bassa,
la cuna del putin;
- ↑ careghin: piccola scranna.
