De le più bele che al mondo ghe sia;
In mezzo al mar e in mezzo a la marina
De le più bele che al mondo camina.
In mezzo al mar ghe canta la sirena,
Che la fa indormenzare i barcaroli;
La fa voltar le barche soto l'aqua
Quando la canta come inamorata;
La fa voltar le barche soto e sora
Quando la canta ben la traditora.
La me morosa per un prà la passa,
Dove la mete un piè l'erba se sbassa;
La me morosa per un prà camina,
Dove la mete un piè l'erba s'inchina;
La me morosa per un prà la core,
Dove la mete un piè ghe nasse un fiore.
Moroso bel, sta saldo a la bataglia
Che un elbore in t'un colpo no se taglia
E per un viagio no se aquista dona
Per un disgusto no la se abandona.
Son stà a la fiera per comprarme un cesto,
Go visto i bei occeti de Francesco,
