Passion difesa chel cuor strazi e brusi
come un Fauro che adopera la lima
che diebbo far se til tagi e descusi
causa che de la morte vago in cima
non ho podesto apena haver do busi
che la mia voia domandete in prima
ma daspuo che non ho frutto ne fior
si piu la truovo ghe cavaro'l cuor.
Someia la donzella al bocoletto
quando'l xe despicao ze del roser
e chel va in man a qualche zovenetto
el xe in gratia a madonna e a missier
ma quando se ne da centto al marchetto,
la va in desgratia fin de un zavater
e par puo che ella perda el bon odor
quanto che ghe de el Ciel del primo amor
Ma non si presto da presso la mare,
la bella puta de casa ha movesta
che se zonze in man de zente lare,
la deventa ribalda e deshonesta
ma intanto che la puol veder so pare
ogni di l'ha piaser, ogni di sesta
ma se la'l perde, perde soni e canti
anche la prima gratia de i amanti
La se ghe infiga e co i altri sinstizza
sol a custu ghe da la strada larga,
fortuna fa che un puoco la pellizza
possa tocarghe con la so bottarga
che vede se le rossa, o se le rizza
che puo voio ogni di portar la carga
senza mai descargarme se no vago
al liogo onde poro satiar el drago.
Pagina:Clario - Il primo canto de Orlando furioso in lingua venetiana, Venezia, Bindoni, 1554.djvu/12
Sta pagina la xe stà trascrita, ma la gà ancora da vegner rileta.