Mi pianzeva, e lu rideva,
20E 'l diseva: ti xe bravo,
Ma, birbon, t'ò fato schiavo.
La gran rabia che go bu!
Saveu come che l'à fato
A chiaparme sto bricon?
25El s'à messo come un gato
Quachio quachio in cufolon.
L'à spetà che un dì Nineta
Me contasse una fiabeta;
Mi, credendo esser in porto,
30De colù no m'avea acorto;
E lù, vien per da drio via,
Chiapa, strenzi, e mena via,
Nè val pianti, nè rason.
A scravazzi de sta sorte
35Sto baron ghe ne sa far,
Come un bogia el dà la morte,
Quanto un bogia el sa strozzar;
Lu ga lazzi, el ga manère,
El ga forni, el ga caldiere,
40El ga corde e manganeli,
El ga chiodi, el ga marteli,
E lanzete e gamaúti...
Ah! scampeghe, cari puti;
No se vince che a scampar.
