Perchè co sto arcidiavolo
20Vustu passar i dì?
Se azonzo: l'ochio fulmina,
Ma spesso el xe seren,
E Amor svolazza e cocola
24L'ochio, el bel lavro, el sen;
Rabiada la ve morsega,
Ma in tuto el nostro amor
No xe arivà sta diavola
28Che a morsegarme el cuor.
Do slepi, a confessarvelo,
Do slepi ò ricevù;
Ma dolci afèti e lagreme
32Quanti no ghe n'ò bu?
L'è viva, l'è ardentissima
Co' Amor la fa impizzar,
Ma mi sto ardor teribile
36Procuro de schivar.
La beca, sì, la pizzega,
Ma ve conforta un miel
Che sin nel cuor s'insinua,
40Che drento no ga fiel.
Spaventa quanto s'agita
Quel viso in convulsion,
Ma gh'è i gran bei spetacoli
44In quela agitazion;
Ghe xe dei zorni critici
Ch'el belo pol rapir,
