Ma da là un poco, un anzolo
48La torna a comparir.
Negri i cavei finissimi,
Azuro l'ochio e pien,
Brazzo robusto e morbido
52Colmo e diviso el sen,
Vivo e grosseto el lavero,
Denti d'avorio, e fià
Che senza droghe e aromati
56Xe sempre imbalsamà.
La tinta vivacissima
Ch'al brun tenta inclinar,
Figura che una Palade
60Farìa desmentegar.
Se voi' cussì depenzerla,
L'è ancora al natural,
E tuto xe verissimo,
64L'è Nina tal e qual.
E quei che disprezzandome
Da mato m'à tratà
Ariverìa a invidiarmela:
68Letor, cussì è l'Istà.
Toni, tempeste, fulmini;
Un ecesivo ardor,
Tavani, mosche, pulesi,
72E seco distrutor;
Ma sempre el ton no strepita,
De raro el va a ferir,
