L'aria e l'ardor se mitiga,
76L'aguazzo sa vegnir;
E s'arde, se destermina
L'erbe e le biave el Sol,
Natura xe in disordine,
80L'Istà gnente ghe pol.
Ma i zorni serenissimi,
El caldo temperà,
L'ombre, i boscheti, i zefiri
84El ciel tuto stelà,
Le piove che ressussita,
Che xe a le piante un miel,
Le aurore, i bei crepuscoli
88Che ve depenze el ciel,
I fiori odoratissimi,
I fruti, l'erbe, el fien,
Le biave, i campi fertili...
92Scordeu tuto sto ben?
No: se ghe xe dei radeghi,
Se fiero xe l'Istà,
El pol ben compensarveli
96Se tanti beni el ga.
