PER SOLENNITÀ STRAORDINARIA NEL GIORNO DELLA SENSA DELL'ANNO 1775
Oh che Sensa! oh che Sensa! oh che cosazze!
Oh che parechi! oh che gran novità!
In sta ocasion veramente in sta Cità
4L’oro e l’arzento va per le scoazze!
Che Galìe! che Sciambechi! che Galiazze
Drio la Publica Regia Maestà!
Che Peote in livrea! che infinità
8De barcolame de tute le razze!
Che lusso in ogni grado de persone!
Che Teatri in bersò! che simetrìa
11De Piazza! Oh che Regata! oh che Bissone!
Che Popolo! che gran Foresterìa!
Che Canal! che Tragheti! oh Dio, che Done!
14Epur no so el perchè, mi pianzerìa.
