PER VENDITA FATTA DALL’AGIONTO DI PISSIDI E CALICI
A Padoa in man de Grechi le Certose;
San Nicolò del Lido xe un Quartier;
Più d’una Chiesa e più d’un Monastier
4I deventerà un dì, Dio sa! che cose.
Le Sagrestie più rare e preziose
Dal Strazzariol o in man del Tapezzier;
E su i Bancheti, e dal Luganegher
8Tute le Librarìe rare e famose.
Oro, arzento, laton laorado e schieto
Gnanca a peso l’Agionto l’à vendù,
11E sin l’ultimo armer xe restà neto.
E quela che po xe da B......
I Vasi Sacri... indovinè mo? in Gheto.
14Oh al cospeto de Dio no gh’è de più.
