PER LE INNOVAZIONI DELLE MANI-MORTE
Tiolème de che Seta che volè,
Turco, Ebreo, Luteran o Calvinista,
Catolico, Zentil, Grego, Ateista,
4O tra le tante molte che ghe xe,
Se retamente m’esaminerè,
Un vero Citadin Republichista,
Ch’altro no ga per punto mai de vista
8Che la so Patria, in mi vu trovarè.
Come tale mi provo ad evidenza,
Che in Politica pezo no se dà
11Ch’al popolo scemarghe la credenza;
Anzichesì, xe de necessità
La superstizion in sta licenza
14A la legislativa Podestà.
