CONTRO TRE CORRETTORI PATRIZJ
Do gran fati se leze in la Scritura
Che quando nu credèmo, i fa tremar!
D’un Faraon somerso in mezo al mar,
4D’un Antioco che ai vermi è stà pastura.
Prova, che Dio con peso e con misura
L’omo castiga a norma del mal far,
Nè su questo se pol filosofar;
8Principio el xe de lege e de natura.
Uno, el popolo eleto l’à scarnà
A forza de fadighe e d’estorsion;
11E l’altro el Santo Tempio l’à spogià.
Co l’è cussì, feghe l’aplicazion;
E dopo dedusè qual el sarà
14El fin che farà el B...... el D...... el T.......
