INGORDIGIA DEI BENI DELLA CHIESA DELL’AGIONTO ALLE RIFORME
Un odio sempre più vedo che germina
Contro i Ministri ancuo del Cristianesimo,
Che de boto convien che me determina
4A richiamar le idee del Gentilesimo.
Se buta zo le Chiese, se destermina
I sacri aredi, e per sto fin medesimo
Se cerca tuto perchè i Frati termina
8Avanti de tocar l’otocentesimo.
Se magna el ben de Chiesa come crostoli
Per no far i simioti de quel secolo
11Che i donava le tere ai boni Apostoli.
La Cassa Opere Pie sempre s’intavola;
Dise ai Frati l’Agionto: tuto becolo,
14Che sta Cassa xe un nome, xe una favola.
