SULLE REGOLAZIONI DELLE FRATERÌE
Se no s’avesse tanto lassà andar
Le legi e ’l bon costume in t’un canton,
Nè tanti libri pieni d’infezion
4S’avesse lassà lezer e stampar;
Se s’avesse studià de rafrenar
La libertà ne le Conversazion
Tra i do sessi, che le generazion
8Xe arivadi a confonder e machiar,
Dirìa, ch’el Cielo solo v’à ispirà
De regolar ancuo la Fraterìa,
11Senza tiorghe però quel che la ga;
Ma sto meter le man in Sacrestia
E ’l resto lassar corer sin che ’l va,
14No so da dove el vegna, e cosa el sia.
