Pagina:Collezione delle migliori opere scritte in dialetto veneziano 10.djvu/81

Sta pagina la xe stà trascrita e rileta.

     Massima de costanza e robustezza,
     18A se stesso in sto afar el sia sta ugual.
E qua ghe dirò, che gh’è tal sicurezza
     Del colpo che à da farghe la letura
     21De sta Parte, che sin l’avedutezza
No ariva a darghe una tentura
     Del contenuto perchè la ghe arivi
     24Ne la so vera natural figura.
E aciò Vostre Zelenze no le ascrivi
     A spirito de partido el mio fervor
     27D’usar colori tropo forti e vivi,
Le ghe ne sentirà tuto el tenor
     E le rileverà la diferenza
     30Tra sto Interprete e tra ’l Legislator.
Ghe darèmo però la preferenza
     A quel opera, parto d’una testa
     33Piena d’erudizion e de gran scienza,1
Dove sconta ghe xe soto la vesta
     D’un finto zelo e d’un publico ben,
     36Un’insidia e una fraude manifesta;
E mi de trato in trato drento in sen
     Co la più rigorosa anotomìa
     39Ghe descoverzirò tuto el velen.
Dopo perchè con ordine ghe sia
     Provà da la Scritura quel che ò dito!
     42Aciò no sia convinto de busìa,

  1. Le Scritture Franceschi.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_10.djvu/81&oldid=65983"