Le sentirà quel che xe stà prescrito
De voler tra le altre dal Supremo
45Mazor Consegio; e le averà l’Edito
Del Senato, sul qual nu doveremo
Farghe i so’ gran riflessi e ’l so comento;
48Perchè cussì el mistero intenderemo
De quel Decreto del mile siecento
E cinque, confermà dal Serenissimo
51Mazor Consegio, apunto nel momento
A la Rason de Stato fatalissimo.
Che colta l’ocasion pel gran rilasso
54Nel qual vivemo in questo corotissimo
Secolo, pervenudi semo al passo
De trascurar el Publico e ’l Privato,
57Perchè pur tropo incorsi nel trapasso
De far crolar le Massime de Stato
Da quel perno nel qual tuta s’agira
60L’inocenza e l’onor del Prencipato.1
Mi qua no vogio adesso tor de mira
El sentimento oposto intieramente
63Che a sta Lege se ghe strassina e tira;
Nè vogio dir come diametralmente
Sia oposti i so’ Decreti su sto ponto
66A l’intenzion de la publica Mente;
No vòi l’imputazion d’averghe sconto
- ↑ Per il perno della Massima o Ragion di Stato s’intenda la Religione.
