Pagina:Collezione delle migliori opere scritte in dialetto veneziano 10.djvu/87

Sta pagina la xe stà trascrita e rileta.

     Da do’ diametralmente estremi oposti,1
     78Come intendè parlar co sto Processo?
Lu ne supone qua tuti disposti
     A creder le falope ch’el ne impianta
     81Co sti maliziosi contraposti.
S’acorzele a sto passo qual e quanta
     Arte ghe sia per inganarle? Amigo,
     84Sapiè che trovarè in nu altretanta
Acortezza per evitar l’intrigo
     Che vu ne andè tramando, e quanto prima
     87Sentirè su sto punto quel che digo.
Avanti... Sto scritor qua el se sublima2
     Con una erudizion, che a mio parer
     90Ga da far come el magio co la lima.
Eh! vu se’ ancora grezo in sto mestier!
     Ghe vol altro che dar una tirada
     93De Legi per far pompa de saver!
Tuta roba da esser spegazzada;
     Vu ve fevi più onor se no vantevi
     96Tuta sta gran dotrina stirachiada.
Oh che gran bei riflessi! No vedevi
     Che co l’andar cussì tanto vagando

  1. Due diametralmente estremi opposti, in conseguenza di quel che vuol provare, sono la Riforma e la Soppressione.
  2. Qui si allude alla Storia di Paolo V, che fulminò l’Interdetto contro la Repubblica, ed all’altre del canonico Zabarella e del Ravagnin.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_10.djvu/87&oldid=66000"