Pagina:Collezione delle migliori opere scritte in dialetto veneziano 11.djvu/13

Sta pagina la xe stà trascrita, ma la gà ancora da vegner rileta.

AD UNA SIGNORA

NEL DÌ DI MEZZA QUARESIMA

Signora, andè in Campagna
     Scondève in Teraferma,
     Oh Dio! no stè a Venezia,
     Tropo, tropo se' in vista,
     5O almanco retirève su una Lista.
     El Nunzio ve riceve,
     El Nunzio xe zentil e assae bonomo,
     El ve tien, el ve guarda
     Co 'l sa la vostra colpa
     10E 'l pericolo somo.
     Se in Venezia vu stè,
     No no, no la scampè,
     Ve lo aviso; e predigo,
     (No disè che sia un strambo o pur un sbrega)
     15El popolo in tal dì ve ferma e siega.